Skooldrag

Elke leerder by Mullies is in die proses om hul volle potensiaal te laat realiseer en dit te geniet binne die raamwerk van dissipline.

Die korrekte skooldrag vorm deel van hierdie dissipline en daarom versoek ons ouers om toe te sien dat die leerders ten alle tye amptelike skooldrag korrek en met trots dra.

Skooldrag is beskikbaar by:

AMOD EN SEUNS
191 Commissioner straat
Krugersdorp
Kontaknommer: (011) 660 2917
E-pos adres: amodsons@telkomsa.net
WhatsApp-nommer vir bestellings: Samantha, 065 957 8906

MULLIES KLEREBANK
Tye: Maandae en Donderdae, 7:00 tot 7:30

Sommige klere-items soos broeke, rompe, kouse, sokkies, skoene, tekkies en haarbykomstighede is beskikbaar by verskeie kettingwinkels.

VERTEENWOORDIGENDE DRAG:
Ons wil graag erkenning gee aan ons leerders wat buite skoolverband aan buitekurrikulêre aktiwiteite deelneem en presteer. Leerders wat streeks, provinsiale en/of nasionale prestasies behaal het en verteenwoordigende drag ontvang het as erkenning, mag hierdie drag gedurende die jaar op ’n Vrydag skool toe dra. Die voorreg vir die dra van verteenwoordigende drag is nie vanselfsprekend nie en ouers/voogde word versoek om aansoek te doen by die sport- en/of kultuurorganiseerder om toestemming te verleen daartoe.
Vir meer inligting en aansoek om toestemming voltooi asb. die onderstaande vorm.
AANSOEK vir verteenwoordigende drag

DATUMS VAN WINTER- / SOMERSDRAG:
Winter: 2de en 3de kwartaal
Somer: 1ste en 4de kwartaal
1 September jaarliks tot en met vakansie in September: winter- of somersdrag na gelang van weersomstandighede.

BORGSKAPPE:
Indien u belangstel om enige klere of bykomstighede te borg, word u vriendelik versoek om die sport- en/of kultuurorganiseerder te kontak vir riglyne.
Sportorganiseerder: Elra Blacquiere, elra@mullies.net
Kultuurorganiseerder: Deoné Terblanche, deone@mullies.net

LET ASB. OP DIE VOLGENDE:

• Merk asb. alle kledingstukke duidelik.
• Leerders afkomstig van ander skole het ’n kwartaal grasie vir die vervanging van die skooldrag.
• Leerders mag in die somer kaalvoet skool toe kom.
• Tekkies slegs toelaatbaar by skoolsweetpak.
• Skoolkleurbaadjie vir Gr. 4-7 moet met swart skoolskoene gedra word.
• Geen ander baadjie, bv. Drimac mag gedra word nie. Slegs voorgeskrewe baadjies.
• Slegs rooi haarbykomstighede word gedra saam met die skool- en sportdrag. Geel of groen is nie toelaatbaar nie.
• Daar word sterk aanbeveel dat die voorgeskrewe breërandhoed of pet gedra word tydens BK en sportgeleenthede.
• Spanbroeke (“skipants”) word slegs onder ander broeke bv. sport- en rugbybroek gedra en nie alleen nie.
• Indien daar versoek word dat ’n denim gedra word vir enige skoolgeleentheid moet die volgende riglyne in ag geneem word:
  • Denims moet gemaklik sit en nie noupassend of uitermatig wyd wees nie.
  • Gebleikte of geskeurde denims word nie toegelaat nie.