Kultuur

By Laerskool Muldersdrif neem ons wyd deel aan kultuuraktiwiteite. Die leerders neem elke 3de jaar deel aan ʼn passievolle Revue. Ons neem deel aan verskeie Redenaarskompetisies, Raca, Talent Africa en Sing in Harmonie. Dis belangrik om ons leerders se talente te ontwikkel en hulle samewerking, deursettingsvermoë en absolute toewyding te leer.

Laerskool Muldersdrif Kore

Laerskool Muldersdrif is bevoorreg om te kan sê: “Hier by Mullies hou ons kinders van sing!”

Ons junior- en senior kore kan met trots die woorde van ABBA- raaksing; “Thank you for the music, the songs we’re singing!” Koorsang by ons skool word gekenmerk aan massadeelname waar ons Mullies die geleentheid het om hulself uit te leef, te ontwikkel en die genot van musiek te beleef. Ons glo in spanwerk waar elke stemmetjie deel vorm van die globale koorervaring.