Onderrigpersoneel

Carné Eksteen

Carné Eksteen

Gr.00 Graadhoof

Hierdie passievolle juffrou is altyd reg vir ‘n uitdaging wat met entoesiasme aangepak word. Juf. Carné sien potensiaal in die kleiner Gr.00 en ag haar Vlinder-maats se vordering baie hoog. Juf. Carné is ‘n avontuurluurlustige mens en hou daarvan om fiks te bly.

Paula van der Merwe

Paula van der Merwe

Kleuterskoolhoof. Gr.00 Beertjie-klas

Juffrou Paula van der Merwe, is die Hoof by Nullies Kleuterskool. Sy is ook die juffrou in die Beertjieklas vir die Gr.00.  Sy rig netbal af. Haar passie is om kleuters in totaliteit te help ontwikkel.

Carike Durand

Carike Durand

Gr.R Graadhoof. Gr.R Pikkewyn-klas

Carike Durand is ʼn Graad R onderwyseres en is die Graad R Graadhoof. Sy is hardwerkend, pligsgetrou en stiptelik. Sy is betrokke by mini – hokkie en netbal. Haar doelwit is om vir ‘n kleuter ‘n goeie fondasie te skep om die leerproses te vergemaklik. Haar inspirasie is om te sien hoe sy die lewens van die kleintjies kan verryk en ‘n verskil kan maak.

Jolandé Austin

Jolandé Austin

Gr.R Hasie-klas

Vir juffrou Jolandé is onderwys `n roeping en sy het `n ongelooflike liefde en passie daarvoor. Dis `n geweldige verantwoordelikheid en `n uiterse beloning. Sy is voorbereid, energiek en kreatief in haar klasaanbiedings. Sy sien elke leerder as `n unieke individu raak en streef daarna om elkeen te help om hul volle potensiaal te ontwikkel.

Stefanie Louw

Stefanie Louw

Gr.R Bytjie-klas

Juffrou Stefanie wil elke dag haar Kleuters inspireer, motiveer en aanmoedig. Haar doel is nie net om hulle te help om die leerplan te bemeester nie, maar ook dat hulle ‘n aansteeklike entoesiasme vir leer moet kry. Sy glo dat elke kind die geleentheid verdien om hom of haar grootste potensiaal te bereik. As Gr.R onderwyser is sy verantwoordelik om die toekomstige generasies van ons gemeenskapsleiers voor te berei op akademiese, sosiale en professionele sukses.

Elsje Basson

Elsje Basson

Musiek Gr.000 - Gr.4

Juf. Elsjé se aanslag is gegrond op hierdie waarheid. Haar hart is om ‘n positiewe impak op haar leerders te hê deur ‘n spasie te skep waar elke leerder, as unieke individu, deur die medium van musiek, drama & dans hulle kreatiewe kante kan uitleef en ontwikkel. Juf. Elsjé het ‘n graad in Sielkunde. Sy het haar studies by UNISA voltooi. Sy werk al sedert 2012 in die Vroeë-kinderjare Ontwikkelings- sphere waar sy musiek, drama en bewegingsspel aanbied. Juf. Elsjé het in 2022 by Mullies aangesluit as die nuwe Musiekonderwyser vir Gr.000- Gr.4. Sy is bederf met twee seuns en geniet die tyd saam met haar gesin terdeë.

Ashley Ferreira

Ashley Ferreira

Gr.1/1

Juffrou Ashley Ferreira is hierdie jaar by Graad 1`s aangestel as onderwyseres en pak haar roeping met volle entoesiasme aan. Haar goeie waardes, geloof en liefde maak haar vasberade om ʼn positiewe verskil in leerders se lewens te maak.

Sonet Els

Sonet Els

Gr.1 Graadhoof. Gr.1/2

Sy is ‘n posvlak 1 onderwyser in die Grondslagfase en betrokke as Graadhoof by die Graad een groep. Sy het 34 jaar onderwyservaring in die verskillende fases van die Grondslagfase; Graad 1 – 3, waarvan 20 jaar by Muldersdrif se Graad 1 groep is.
Sy voel haar ‘n geroepe onderwyser waarin sy haar passie en liefde teenoor kinders kan uitleef.

Erika Blake

Erika Blake

Gr.1/3

Erika Blake het 28 jaar onderwyservaring. Sy het as beginner-onderwyseres in ʼn spesiale-behoefte klassie goeie ondervinding opgedoen en daarna vir 12 jaar in ʼn Gr. 1 klas haar passie uitgeleef.  Erika het in 2006 by Laerskool Muldersdrif se Graad 2 klas aangesluit. Sy het haar vlerke na Graad R gesprei vir 10 wonderlike jare! In 2018 aanvaar sy die aangename uitdaging om weer na Graad 1 te skuif.  Erika vind haar vreugde in haar werk en wil graag ʼn positiewe verskil maak binne en buite haar klas.

Vanessa Badenhorst

Vanessa Badenhorst

Gr.1/4

Juffrou Vanessa Badenhorst het haar B.ed Hons. voltooi by NWU. Sy het in 2011 begin skoolhou by L/S Muldersdrif. Sy is die voog vir Gr.1/4. Sy leef haar passie vir Onderwys uit in haar klas deur ʼn omgewing te skep waar elke leerder aanvaar en geliefd voel. Sy rig ook  0/7 netbal af.

Chantelle Dempers

Chantelle Dempers

Gr.2/1

Juffrou Chantelle Dempers is ʼn baie passievolle Juffrou. Sy is baie opgewonde om in 2021 by die Graad 2`s te wees. Juffrou Chantelle is betrokke by netbal – en krieketafrigting.

Tersia Pretorius

Tersia Pretorius

Gr.2 Graadhoof. Gr.2/2

Juffrou Tersia Pretorius is ‘n Grondslagfase onderwyseres  by Gr. 2/2.  Sy is Mullies se Landloop-organiseerder.  Sy het 20 jaar  onderwys ondervinding, waarvan die afgelope 12 jaar by Laerskool Muldersdrif spandeer is.  Sy het ‘n passie vir mense en diere.

Erna Breedt

Erna Breedt

Gr.2/3

Juf. Erna is ʼn Gr. 2 onderwyseres. Sy organiseer  die mini-hokkie, en is betrokke by mini-netbal afrigting. Juf. Erna het haar Bed (Grondslagfase) graad by Noordwes-Universiteit voltooi. Sy hou al 14 jaar skool, en het al in Taiwan skoolgehou. Juf. Erna spandeer graag haar vrye tyd saam met haar gesin.

Chantelle Smit

Chantelle Smit

Gr.2/4

Juffrou Chantelle is baie opgewonde om haar loopbaan by Mulderdrift te begin. Sy het haar Honneurs graad in Opvoedkunde Sielkunde by die Noord-Wes Universiteit voltooi en is baie passievol oor leerderondersteuning in en buite die klaskamer. Sy is betrokke by mini-krieket en help ook met berading by die skool. Met ‘n dankbaar hart pak sy die lewe entoesiasties aan.

Sonia Swanepoel

Sonia Swanepoel

Gr.3/1

Sonia Swanepoel is ʼn onderwyseres by Gr. 3. Sy is reeds 12 jaar by Muldersdrif. Voorheen was sy betrokke by Laerskool Millennium waar sy die Remediëringsklas behartig het. Sy het haar Onderwysopleiding in Potchefstroom vir vier jaar gedoen, en het daarna ook ʼn 2 jaar verdere opleiding gedoen om met Remediëring te kan help.

Janneke Nel

Janneke Nel

Gr.3/2

Janneke Nel is baie opgewonde om deel van die Graad 2 span te wees in 2021 en haar loopbaan by Laerskool Muldersdrif te begin. Sy is betrokke netbal en atletiek en het `n passie om buite & aktief te wees.

Nadine van Heerden

Nadine van Heerden

Gr.3/3 & Waarnemende Grondslagfase HOD

Juf. Nadine is Graadhoof van die Gr. 3s en ook verantwoordelik vir die skool se Mullie Meule. Sy is al vanaf 2016 ‘n onderwyseres by Mullies. Sy glo daarin om elke kind se potensiaal raak te sien en te ontwikkel, en so ook om elke kind veilig en geliefd te laat voel. Sy het ‘n Honneursgraad in beide Onderwysbeleid en Bestuur sowel as Kriminologie. Sy geniet dit graag om in haar vrye tyd te hardloop, oefen en so ook tyd saam met haar geliefdes te spandeer.

Christelle Cornelissen

Christelle Cornelissen

Gr.3/4

Juffrou Christelle Cornelissen is ‘n jong energieke juffrou wat in 2021 by ons Gr.3`s begin. Haar vriendelike glimlag helder haar klas op. Christelle is al die afgelope vier jaar ook betrokke by mini-netbal en mini-hokkie. Haar lewensdroom is om op ‘n jong ouderdom al ‘n verskil in kinders se lewens te maak.

Elsabé Joubert

Elsabé Joubert

Waarnemende dpt hoof ISF. Gr.4 Wiskunde

Juf. Elsabé Joubert gee Wiskunde vir die graad 4’s.  Sy is ongelooflik passievol oor haar vak en baie lief vir kinders.  Sy is die ma van drie kinders.  Sy geniet hokkie en is betrokke by die senior seunshokkie.  Dit is vir haar belangrik om Jesus se liefde uit te leef en elke dag ʼn verskil te maak.

Neline Lindes

Neline Lindes

EBW Vakhoof, Gr.4 & 5 SW & Waarnemende Adjunkhoof

Neline Lindes gee al 27 jaar skool en het ondervinding in Hoofstroom onderwys, Spesiale onderrig en die privaatsektor. Sy is akademies verantwoordelik vir Gr.4 – 7 NW, NT, SW & LW. Sy is algemene bestuur organiseerder van opleiding en ontwikkeling. Sy rig atletiek en Netbal af en is ook verantwoordelik vir die Drama groep en is ook Revue koördineerder. Sy hou van skilder en fliek kyk. Neline glo daar is niks in die lewe wat `n mens nie kan doen of leer nie.

René van Loggerenberg

René van Loggerenberg

Gr.4 Afrikaans - PSW & BK Vakhoof.

Sy het haar B.Ed (Hons) voltooi en sien uit om ‘n groot bydrae tot die sukses van die skoolomgewing te lewer.Sy streef daarna om elke leerder te ondersteun om hulle volle potensiaal te bereik. Sy het `n passie vir Netbal en is betrokke by die Mullies se
0/11 netbal.

Nandi Jansen van Vuuren

Nandi Jansen van Vuuren

Gr.7 Wiskunde, Gr.5 NT & Wiskunde vakhoof Gr.4 - 7, Gr.5 Graadhoof

Nandi Jansen van Vuuren is ‘n toegewyde en hardwerkende onderwyseres. Sy gee Wiskunde vir Graad 7’s en NT vir Graad 5’s. Sy het ook ‘n Graad 5 registerklas. Nandi is betrokke kultuuraktiwiteite soos spreekkoor en rig ook netbal af. Nandi is opgewonde om elke dag saam met die Mullies aan te pak!

Leoné Pieterse

Leoné Pieterse

Waarnemende dpt hoof SF, Leerderondersteuning, Gr.5 Eng, Gr.5 PSW, Gr.6 PSW & ENG Vakhoof.

Leoné is ‘n liefdevolle persoon, wat glo elke dag is ‘n geskenk van God. Sy is deel van die leerderondersteunings span, tennis organiseerder van die skool en rig hekkies af. Sy is ook die skool se Wolkskool en SOS verteenwoordiger. Sy is ‘n familie mens, haar gesin en geliefdes kom altyd eerste. Ps. 139:14

Deoné Terblanche

Deoné Terblanche

Gr.6 Graadhoof. Gr.6 Afrikaans

Juffrou Deoné Terblanche het `n groot passie vir die onderwys in geheel. Sy is mal oor studeer en spandeer baie tyd aan verdere, nagraadse studies. Sy is betrokke by Mullies se netbal, sowel as atletiek. Buiten haar passie vir sport, het juffrou Deoné ook `n groot passie vir kultuur. Sy is tans ook besig met haar meestersgraad in bestuur.

Leani Meintjes

Leani Meintjes

Gr.4 Graadhoof, Gr.4-7 BK & Gr.4 en Gr.7 PSW

Juf. Leani gebruik haar persoonlike sterk punte, `n liefde vir leer en `n omgee-hart, om leerders in die PSW – klas te bemagtig om hulle volle potensiaal te bereik. Sy het haar doktorsgraad in Menslike Bewegingskunde verkry van NWU-PUK in 2012 en pas hierdie kennis toe om tydens BK `n liefde vir beweging by leerders te kweek. Sy is lief daarvoor om te lees en om verjaarsdagpartytjies vir haar kinders te reël. Sy probeer altyd om die silver randjie om elke donker wolk raak te sien.

Marnus Trumpelmann

Marnus Trumpelmann

Gr.7 & Gr.6 SW + Gr.6 NT

Marnus is ‘n onderwyser by Laerskool Muldersdrif die afgelope 10 jaar. Marnus was ‘n professionele golfspeler voor hy die onderwys betree het. Marnus se vakke wat hy aanbied in 2021 is SW en NT. Marnus is mal oor die bos en gaan elke jaar Krugerwildtuin toe. Marnus hou van tuinmaak en hy sal enige uitdaging aanpak met ywer. Marnus is getroud en het twee pragtige dogtertjies.

Ruben Louw

Ruben Louw

Gr.4 - 6 Coding & Hokkie organiseerder

Mnr. Ruben Phillip Louw, ook `n oud-Mullie, is ‘n energieke onderwyser. Hy het ‘n Diploma in Besigheidsbestuur en 4 jaar onderwysondervinding. Hy is passievol oor sy leerders en sport. Verder spandeer hy graag sy vrye tyd in die natuur met rotsklim en draf. Hy pak alles aan in die geloof en met baie positiwiteit.

Herman Byleveld

Herman Byleveld

Skoolhoof. Gr.7 EBW

Herman Byleveld hou die afgelope 29 jaar skool aan die Wesrand . Hy glo daarin dat elke mens en veral kinders se passie en belangstelling ontdek moet word om sodoende hulle beste te lewer,elke mens het ‘n “skakelaar” sit dit aan en dinge gebeur. Karakterontwikkeling staan voor in die ry aangesien ons elkeen in verhouding tot ons God en die mense om ons lewe.

Jaco Groenewald

Jaco Groenewald

Gr.6 NT, Gr.7 TEG, Ambassadeursvoog & TEG + Coding vakhoof.

Mnr. Jaco is 17 jaar betrokke by Laerskool Muldersdrif. Hy is betrokke by Tegnologie, Natuurwetenskap, Atletiek, Swem, Krieket en is die Gr.7 Ambassadeurs voog. Hy glo dat elke kind die vermoë het om uit te blink in sy of haar belangstellings en respekteer elke kind as individu. Konsekwentheid en respek is vir hom belangrik. Hy spandeer sy vrye tyd voor die rekenaar met musiek- en videoredigering en geniet ‘n seevakansie.

Manie Kriel

Manie Kriel

ISF Departementshoof (Gr.5 - 6), Gr.6 Wiskunde & SW Vakhoof.

Manie Kriel is verantwoordelik vir die graad 6 leerders se Wiskunde. Wat atletiek betref, is ek gemoeid met die afrigting van hoogspring. Ek is voorts verantwoordelik vir die akademiese aangeleeenthede van graad 4 tot 6 leerders. In my vrye tyd maak ek graag tuin en waag ek soms my hand aan ‘n skilderkwas.

Juan-Louis Cary-Smith

Juan-Louis Cary-Smith

Gr.5 Wiskunde & Krieket Organiseerder

Mnr Juan-Louis is betrokke by atletiek, rugby en krieket afrigting van die skool en is ook Mullies se Krieket Organiseerder, hy het `n passie om leerders te help om op beide akademiese en sportsvlak hul volle potentiaal te bereik.

Chani Mouton

Chani Mouton

Gr.R - Gr.7 lees & Kuns + Musiek vakhoof.

Juf. Chani se lewensfilosofie is Lag, leer en leef in liefde.
Hierdie entoesiastiese juffrou sien onderwys as haar roeping. Sy is in 2021 die nuwe musiek onderwyser by Mullies en sy het ‘n besonderse hart en liefde vir kinders. Juf. Chani is betrokke by ons skool se kore en redenaars en geniet die kulturele aktiwiteite by die skool. Sy glo dat kinders elke dag moet lag en leer en sodoende voluit kan kind wees! Sy is geseënd met twee dogters en geniet die lewe saam met haar gesin in oorvloed! Sy lees graag en leef naby aan God en die natuur… “kaalvoet loop, plat op die aarde is LEKKER loop”!

WIlma Nel

WIlma Nel

Gr.7 Afrikaans & Gr.5 - 7 Musiek

Juf. Wilma Nel is die Vakhoof van Afrikaans (Gr. 4-7). Sy neem ook klasmusiek waar vir
Gr. 5-7. Sy glo dat dit ‘n roeping en ‘n voorreg is om met kinders te mag werk en dat
tyd en geleentheid ‘n gawe van God is.

Lindy Phaal

Lindy Phaal

Graadhoof Gr7, Gr.7 Afrikaans & Kuns Gr.5 - 6

Juffrou Lindy se hart klop Afrikaans! Sy is baie opgewonde om deel van die Mullie-familie te wees en ʼn liefde vir letterkunde by die Mullies te kweek.
Juffrou Lindy het in Engeland en verskeie lande in die Midde Ooste gewoon en skoolgehou.
Sy skryf graag gedigte; is gek oor lees en het ʼn passie vir tieners.
Juffrou Lindy is intens bewus van God se genade in haar lewe en glo: As jy struikel, maak dit deel van die dans!

Jamie-Leigh Venter

Jamie-Leigh Venter

Gr.4 Engels, Assistant vakhoof & Atletiekorganiseerder.

Juf. Jamie-Leigh het ‘n entoesiastiese persoonlikheid en is betrokke by die skool se atletiek asook netbal waar sy groot planne het. Jamie-Leigh is ’n taak gedrewe persoon maar is nie bang vir uitdagings nie en kan vinnig oplossings vir probleme vind. Haar hart is absoluut vir die kinders en hulle belangstellings.

Johané van Niekerk

Johané van Niekerk

SBST Koördineerder, Kinderkinetikus

Juffrou Johané is passievol oor leerderondersteuning. Haar rol is om elke Mullie  leerder ten volle by te staan met hul behoeftes en / of uitdagings. Sy is ook die juffrou wat grootmotoriese ontwikkeling gee vir Gr.000 & Gr.00 Nullie maats en geniet dit om `n liefde vir beweging te kweek.

Leandrie Shaw

Leandrie Shaw

Gr.4 & Gr.7 NT/NW. Gr4 - 7 NT/NW vakhoof

Juffrou Leandrie het vele jare se ondervinding in onderwys en is baie opgewonde om by die Mullies span aan te sluit. Sy het ‘n groot kennis oor Natuurwetenskap en lewe haar passie uit om elke dag met kinders te kan werk. Juffrou Leandrie is ook betrokke by netbal afrigting. In haar vrye tyd geniet sy dit om tyd saam haar familie te spandeer.

Elra Blacquiere

Elra Blacquiere

Sportorganiseerder & Gr.R-Gr.3 BK

My passie vir sport en oefening leef ek as netbal- en mini-krieket organiseerder by Mullies uit deur basiese vaardighede vas te lê. Is ook Nullie Mullies kleuterskool se sekretaresse (aka – oefen tannie, tannie juffrou…..)
Hou uit, hou aan, moet nooit opgee om jou drome te bewaarheid nie. ​

Estelle Strohmenger

Estelle Strohmenger

Gr.7 Engels

Juffrou Estelle is gemotiveerd om leerders te lei na vaardighede waarmee hulle vir die toekoms toegerus is. Sy glo die ondersteuning tussen ouer, leerder en onderwyser is belangrik. Buite skool hou sy van tuinmaak, lees en probeer huishou met haar sielsgenoot en twee tieners.

Kontak ons

Hoek van Hendrik Potgieter en R28
Muldersdrif, Krugersdorp, Gauteng

011 662 1929 · admin@mullies.net

 

Kontak ons

 

Hoek van Hendrik Potgieter en R28
Muldersdrif, Krugersdorp, Gauteng

011 662 1929 · admin@mullies.net

 

 

error: Nope!